இங்கிலாந்து இரண்டாவது டெஸ்ட் ஆட்டத்திற்கான அணியை அறிவித்துள்ளது – பும்ராவின் பங்கேற்பு குறித்து இன்னும் தெளிவில்லை

இந்திய அணிக்கு எதிரான இரண்டாவது டெஸ்ட் போட்டிக்கான தனது வீரர்கள் பட்டியலை இங்கிலாந்து கிரிக்கெட் குழு அறிவித்துள்ளது. இந்திய அணியின் வேகப்பந்துவீச்சாளரான ஜஸ்பிரீத் பும்ரா இந்த ஆட்டத்தில் பங்கேற்பாரா என்பதில் இன்னும் உறுதி இல்லை.

‘ஆண்டர்சன்-சச்சின் டிராபி’ என அழைக்கப்படும் இந்த டெஸ்ட் தொடரில் பங்கேற்க ஷுப்மன் கில் தலைமையிலான இந்திய அணி இங்கிலாந்து பயணம் செய்துள்ளது. ஐந்து போட்டிகள் கொண்ட இந்த தொடரில் இங்கிலாந்து முதலாவது போட்டியில் வெற்றி பெற்றது மூலம் 1-0 என்ற முன்னிலையில் உள்ளது.

இந்நிலையில், ஜூலை 2ஆம் தேதி பர்மிங்ஹாம் நகரில் இரண்டாவது டெஸ்ட் நடைபெறவுள்ளது. இந்த ஆட்டத்திற்கான இங்கிலாந்து அணியை அதிகாரபூர்வமாக அறிவித்துள்ளனர்.

இங்கிலாந்து அணி (ஆடும் லெவன்):

ஸாக் கிராவ்லி, பென் டக்கெட், ஆலி போப், ஜோ ரூட், ஹாரி புரூக், பென் ஸ்டோக்ஸ் (கேப்டன்), ஜேமி ஸ்மித் (விக்கெட் கீப்பர்), கிறிஸ் வோக்ஸ், பிரைடன் கார்ஸ், ஜோஷ் டங், ஷோயப் பஷீர்.

ஆர்ச்சர் விலக்கு:

நீண்ட இடைவெளிக்கு பிறகு ஜோஃப்ரா ஆர்ச்சர் இங்கிலாந்து டெஸ்ட் அணியில் இடம்பெற்றிருந்தார். ஆனால் அவர் ஆடும் லெவனில் சேர்க்கப்படவில்லை.

பும்ராவின் நிலை:

இந்த டெஸ்ட் தொடரில் பும்ரா மூன்று போட்டிகளுக்கே பங்கேற்பர் என்று முன்னதாக அறிவிக்கப்பட்டிருந்தது. அவர் முதலாவது டெஸ்ட்டில் பங்கேற்றிருந்தார். இதனால் மீதமுள்ள நான்கு போட்டிகளில் இரண்டு மட்டுமே அவர் விளையாடவுள்ளார். அவரது பங்கேற்பு குறித்து தெளிவான தகவல் இல்லாத நிலையில், பும்ரா இந்த இரண்டாவது டெஸ்ட்டில் விளையாடுவாரா என்ற எதிர்பார்ப்பு ரசிகர்களிடையே நிலவுகிறது.

அவரது வேலைச்சுமையை குறைக்கவே சில போட்டிகளுக்கு விலக்கு அளிக்கப்பட்டதாக தெரிகிறது. இந்திய அணி தொடரில் பின்தங்கிய நிலையில் உள்ளதால், பும்ராவை விளையாட வைப்பார்களா என்ற ஆர்வம் அதிகரித்துள்ளது. அவர் இல்லாமல் இந்திய அணி இந்தப் போட்டியில் இரண்டு சுழற்பந்துவீச்சாளர்களுடன் களமிறங்கும் வாய்ப்பு உள்ளதாக கூறப்படுகிறது.