“மதுரையில் நடைபெற்றது முருக பக்தர்களின் மாநாடு அல்ல, மோடி ஆதரவாளர்களின் நிகழ்ச்சி” என்று விடுதலை சிறுத்தைகள் கட்சித் தலைவர் திருமாவளவன் தெரிவித்தார்.
திருச்சி விமான நிலையத்தில் இன்று (ஜூன் 26) செய்தியாளர்களை சந்தித்த அவர் கூறியதாவது:
“வரவிருக்கும் சட்டப்பேரவைத் தேர்தலில் எத்தனை தொகுதிகளில் நாங்கள் போட்டியிடப்போகிறோம் என்பதைப் பற்றி இப்போது எந்தச் சிக்கலும் இல்லை. பேச்சுவார்த்தைகள் நடைபெறும் போது அதைக் தீர்மானிக்கப் போகிறோம். பாஜக மற்றும் பாமக உள்ள கூட்டணியில் நாங்கள் இணையப்போவதில்லை என்பதில் எங்களது நிலை தெளிவாகவே உள்ளது.
திரையுலகில் போதை பழக்கத்தால் சில நடிகர்கள் கைது செய்யப்பட்ட சம்பவம் மிகவும் கவலைக்கிடமாக உள்ளது. பிரபலங்கள் கூட போதையின் காரணமாக தவறுகள் செய்கிறார்கள். எனவே, தமிழக அரசு மதுக்கடைகளை முடிக்க வேண்டும். மேலும், போதைப்பொருட்கள் பரவுவதைத் தடுக்க அதிக கவனம் செலுத்த வேண்டும். திமுக தேர்தலில் வாக்குறுதியாக கூறிய மதுவிலக்கை செயல்படுத்தவேண்டும் என்பதையே தொடர்ந்து வலியுறுத்துகிறோம்.
மதுரையில் நடைபெற்ற முருக பக்தர்கள் மாநாட்டில் பெரியார் மற்றும் அண்ணா ஆகியோரை அவமதிக்கும் விதமாக காணொளிகள் வெளியிடப்பட்டதற்கான விளக்கத்தை ஏற்பாட்டாளர்களே அளிக்க வேண்டும். அது முருக பக்தர்களின் நிகழ்ச்சியாக இல்லாமல், மோடி ஆதரவாளர்களின் நிகழ்ச்சியாகவே மாறியுள்ளது,” என்றார் திருமாவளவன்.
